Logo Kinder-Lippe

Up Pickertsafari van Schemmel Frittken

Melodie: Als die Römer frech geworden

Met´n grauten Wannertroppe,                                              
wecke met´n barsken Koppe,
Wüiber, Kerls, wal seßtig Mann,
keumen seu van Iufel an,
sunndags, kort no Middag.

Homma vürne, un os lester
achter met´n Bürgermester
- auk de Presse was vertreen
un de Sunne schein seo scheon -
kamm de Wannervörstand.

Denn et ging ant Pickerteten
un wer dor teo fiul teon Freten,
konn no achter un no vürn
weinigstens nich desertiern
iut´er Marschkolonne.

Os seu öbber´n Knäon niu käumen,
kreijen Schmacht seu unnern Reumen
un dat hadden seu nich wollt,
tügen twas dürt Biexer Holt
ostwärts Richtung Wülwer.

In den Kreoge ging´t an´t Schmoddern,
Pickert gaw´t met frisker Boddern.
Giegen Luiw- un Magendruck
halw us de Machollernschluck
büi den schmuigen Happen.

Wat gaw dat´n schmerge Schniuten!
Un de Rest kamm inne Tiuten.
Wanderleute aus der Stadt,
unnerwegens uppen Pad,
de lodt nix verkumen.

Was vörbüi dat Pickertmorden,
ging´t büi Duistern af no Norden,
met Gesang no Schötmar rin,
olle donne os en Pinn,
Wat´n scheonen Sunndag!

 

Platt

Hochdeutsch

barsk

grob, rücksichtslos

donne

schwanger

duister

dunkel

fiul

faul

Knäon

an der Werrebrücke

Pinn

Holzpflock

Reumen

Riemen

schmerg

fettig

schmuige

weich

Schniute

Mund, Schnauze

Tiute

Tüte

Wülwer

OT Wülfer-Bexten